XXIII buba MDFA 2017 asayamung osang

Rongpang Reju (black) o Soccer Club na asayaba mapang

Mokokchung, Oct 6 (TYO): Oct 3 nungi tenzüka Imkongmeren Sports Complex Mokokchung nung XXIII buba MDFA 2017 asayamung tesaidak lir. Taküm iba asayamung nung telok ajak agi 15-i shilem agidar.
Oct 6 nü mezüng asaya Youth Association Marepkong o Intermingle Club na asayaba Marep-i goal 5-1 agi Intermingle madak takok angu. Marepkong nungi Ilanger-i goal ka, Mezebui Liangmei-i goal 2, Keyiceleung-i goal 2 agütsü aser Intermingle club nungi Opanglemzüngi goal ka idaktsü.
Tanabuba asaya Rongpang Reju o Soccer Club na asayaba Rongpang Reju-i goal 3-0 agi akok. Goal asempronglaji Rongpang nungi Temjenmereni idakja taküm iba asayamung nung hat-trick agir tanabuba kümogo. Mezüngbuba hat-trick-ji Telongjem F/C nungi Nyithong Magh-i Dominion Club den saidang agia lir.
Tasembuba asaya N.U Lumami o Telongjem F/C na asayaba shingaia goal kata magütsüteti 0-0 nung tembang. Iba asayamung ya Oct 21 nü tashi asayatsü.
Oct 7 asaya yamai alitsü @ 11:00 A.M
1st Match: SSS Yellow Vs Dominion Club
2nd Match: Grand Elite’s Vs Zonipang S/A
3rd Match: Alempang Y/A Vs Arikotong