Yi-lartemi Alokba Dang Onük Ka Asüngdanger

Yilar : Oh! Tulur Alok, onoki ne dang langka asüngdangdi ni (?)
Alok : Kechi asüngdangner’ar yakta asüngdangang.
Yilar : Yi ajemba ajanga takoksa anguba onoki meteta lir. Saka yi ajemba ajanga lenmang aisü nung tajangzük angur ta Doctor kari Engraji oshi agi dang ashiba agi onoki kecha mangatet. Anungji nai asen oshi agi tatongi rasa-a ashitsü akok asü (?)
Alok : Kanga pelar, ni tadongi rasa-a shidi nenok ajaki jung-junga anga-a liang.
No.1 Yi ajemba agi asen temang ajak lemsa lemsa-a kümdaktsür.
No.2 Yi ajemba ajanga asen temang ya mapang tatsüka asoshi yira-yira kümdaktsür aser sentsü-a meremsoa kümdaktsür.
No. 3 Yi ajemba ajanga nisung kar ain yakta adoker aser timbaka sasa peladaktsür.
No.4 Yi ajemba ajanga poknüng shilem ajak rongsadaktsüyonga, tashidak aika nungi kümzüker.
No. 5 Yi ajemba ajanga medemer yilar tajung aika den metetteper.
No.6 Yi ajemba ajanga limapur ken aika angazüker aser ano lipok otsü aika angapoloker.
No.7 Yi ajemba ajanga tar nunger otsü-a aika angapoloker aser ano ….
Yilar : Onoki ajak angajemogo. Ojang dang shiang.
Alok : Ano aika lirko….. Tenzüka dokerji tembanglaba. Tanüngba temjibo kanga junger, melaki dang angangma.
No.8 Yilartemi Engaraji oshi agi oren pongu trok ka mukosto süteter.
No.9 Yi jembolokerbo oshilu tanen maka jembiteter.
No. 10 Yilartem ket nung sen noklang ka lira meyi ka ali ama jembiteter.
No. 11 Benjong-bentsü mapang yilartem ajak kinük kisang aser kilentzü ajak nung longdaka angutsü.
No.12 Tatembangbuba yabo kanga dang tongtibang. Nenok ajaki temulung agüja angang. Yi agi tera mesepbolokerbo amitsür kata makoktsü ser nung adhorar (tashi-itba mapang) 30 tashi-a akoktsü amai jembiteter.
Yilar : Ne o tetenzük o tatembang kanga dang meputep.
Alok : OK sapoon.
                                                Lilir : A Maong Aier, Alongmen ward Mkg .

You must be logged in to post a comment Login