Apple-i iPhone 5se aser iPad Air 3 March 15 nü sayatsü

New York, February 13 (Agencies): US nung technology tettsüti Apple-i iPhone 5se aser iPad Air tasen ka March 15 nü sayatsü, ta osangbenertemi metetdaktsüogo.
4-inch iPhone tasenba ya online aser retail store tem nung March 18 nü nungi talitsü angutsü aser Apple-i iba oset jilia mangar dang sen atoktsü atema kecha mashi, ta Hokolbarnü tech website 9to5mac ajanga metetdaktsü.
Iba iPhone yangluba ya January ita nungi ang temai adoka metet.
iPhone 5se ya iPhone 5s tajungba küma melenshia yangluba lir. Iba phone nunga iPhone 6 nung aliba 8-megapixel primary camera, tejaklen 1.2-megapixel camera, NFC chip, Apple indang A9 processor tasenba aser WiFi tekaraba tem keta lir.
Iba phone nung ‘Live Photos’ reprangtettsü.
“Ashiba agi iPad Air 3 nung Smart Connector aser Apple osettem den nungittepba inyakba oset kar keta lir aser itemji ajanga Smart Keyboards o Apple Pencil amshitettsü teimla agütsür,” ta osang ajangasa ashi.
iPad tasenba nung camera tajungba küma melenshir enokja lir aser noksa tesangwaba tangoktettsü atema tesülenbo flash dena enokja lir.
Apple-i ano Apple Watch atema, ‘Space Black Milanese Loop’ aser NATO-style nylon bands kar sayatsü sentong lir.