Chief Minister’s XI-i Football Exhibition Match kokogo

Kohima kübok Secretariat Plaza nung football exhibition asaya ka tanü Bodbar nikongtsütsü asayaba jakdang CM XI & CS XI telok captain, T.R. Zeliang aser Pankaj Kumar nati pei telok indang ozülu agütsütepba noksa nung angur. (Kohima, July 22)

Kohima, July 22 (TYO): Chief Minister’s XI (CM XI) teloki goal 4-2 agi Chief Secretary’s XI (CS XI) telok madak takok ngua Kohima kübok Secretariat Plaza nung tanü Bodbar nikongtsütsü football exhibiton match ka asayaogo.
Asaya mezüngbuba shilem nung Mmhonlumo, Chotisuh Sazo aser Vikheho nunger shiai goal ka ka agüja par CM XI telok temaba jenjang nung ajungkettsü.
Asaya tanabuba shilem nung L. Kire-i par CS XI telok asoshi 1 buba goal agütsüba sülen Dr. Imtiwapang-i par CM XI telok asoshi 4 buba goal agütsü.
Tesülen, Sentiyanger IAS-ia goal 1 agüja par CS XI telok jenjang tajungba kümdaktsü saka CM XI teloki goal 4 tashi agüja aliba yong CS XI teloki tanü tamakok angu.

Chief Minister’s XI-i Football Exhibition Match kokogo added by nungsang on July 22, 2015
View all posts by nungsang →