Dimapur nung tashiyim agi sen sarur nisung 3 apu

Dimapur, September 24 (TYO): September 24, 2019 nü Dimapur Police-i GPRN/NSCN(U) züngsem ana apu aser tena ket nungi trade license slip 12 ngutetogo.
GPRN/NSCN(U) züngsem anaji Khekuto Awomi aser Kheto Awomi na ta jangjaogo aser tea ya Khermahal anasa apu, ta Addl. Dy. Commissioner of Police/PRO, Dimapur, Nagaland-i sangdong ka nung metetdaktsü.
Maneni, tanü Ramji Yimchunger ta ser NSCN(IM) züngsem kati G.S Road, Dimapur nung dokan shia dang Rs.7000 nungi Rs 8000 tashi annual tax saruba atema apu.
Pa ket nung sen meshiba shidi aser Rs.22,500 bena aliba apu aser iba dak sendakba nung Dimapur Sub-Urban Police Station nung ken o ka benokogo, ta PRO-isa ashi.
Tashiyim agi sen saruba dak sendakba ‘police helpline’
(i) 9774277087 – AET Zone -I
(ii) 7085055049 – AET Zone – II
(iii) 7085055046 – Mobile Unit
(iv) 7085065159 -Highway Patrol
7085065160