Kohima Police-i WW-II bomb ana angu

Kohima, September 25 (TYO) : Kohima Police-i Honibarnü PR Hill tesem nung World War-II bomb ana ngutetogo. Osang angazükba agi bomb anaji tang ki teyangludak aliba kimung ka nung angu.
Idakji mapa inyakertemi bomb tutetba sülen police nem osang sangoktsü aser Bomb Detection & Disposal Squad (BDDS) Kohima pur tesem tonga oa bomb anaji agitet.
Kohima Police PRO, Atu Zumvu-i nübortem dang kisüba mesüra ibala mesükba mapa inyakdang tashishitsü aketba osettem nung mashii teka maitsü atema tekümdangtsü olen ka metetdaktsüogo.
Temulung melemi bilemba osettem angudang BDDS mapa lemzüktsütsü atema tekaratiba nung police nem osang sangokjang, ta paisa ashi.