NSCN(IM) den tangatettep kati maru tashi parnoki ayongzükba senden nung madentsü : Sumi Hoho

Dimapur, August 22 (TYO) : December 21, 2013 nü Aghuito nung lendong atalokba sülen January 7, 2014 nü Sumi Public senden alidang NSCN (IM) den tesentaktep mayutsü telemtetba agi, ta Sumi Hoho-i sangdong ka nung metetdaktsü.
Iba onük angatetteptsü atema August 10, 2015 nü Hotel Saramati, Dimapur nung Sumi nunger tongti teloktem aser kilo kilonser, RH Raising lenisüba nung NSCN (IM) pur külem senden ka agi saka iba mapang telemtetba kecha magi tembang, ta Sumi Hoho Secretary, Vihuto Asumi-i sangdong nung shia lir.
Anungji telok ana tsüngda iba onük atema tangatettep kati maru tashi Sumi Hoho aser Sumi nunger tongti teloktemi NSCN (IM)-i ayongzükba senden mesüra sentong ka nung danga shilem magitsü. Iba nungji ajemdaker NSCN (IM)-i August 25, 2015 nü Naga consultative meeting nung Sumi nunger tongti telok shingaia shilem magitsü, ta Sumi Hoho Secretary-isa sangdong nung metetdaktsü.