20MP Selfie shooter aliba Oppo F5 sayaogo

October 27, 2017 (Agencies): China nunger smartphone yanglurtem rongnungi tang tasenba Oppo F5 ya selfie dak tenük rangloker yangluba lir. Oppo ajanga taoba küm Oppo F3 saya aser iba sülenbo AI beauty technology aketba smartphone bo tang sayaba Oppo F5 ya alitsü. Oppo F5 indang display ya bezel maliba amai lir. Iba smartphone ya India nung November 2 nung sayatsü lir.
Philippines nung iba smartphone jelia müka ayotsü akoker. Oppo F5 indang 4GB RAM aser 32GB internal memory ya Philippines nung India indang sen 20,000 agi angutsü aser 6GB RAM den 64GB internal storage aketba temerem sentsü nung angutsü saka iba indang jenjang anu mesangdongi lir. Philippines nung Oppo F5 ya taruba hopta nungi ayok tenzüktsü.
Oppo F5 indang display ya 6-inch Full-HD+ TFT den 1080×2160 pixelresolution keta lir. Iba smartphone nung octa-core MT6763T MediaTek SoC keta lir aser 256GB tashi inoka amshitettsü. Oppo F5 nung Android 7.1 Nougat dak ajemdaker yangluba Oppo indang ColorOS 3.2 keta alitsü. Iba smartphone tasenba indang battery tashi ya 3200mAh den dual nano-SIM, 4G VoLTE, GPS/ A-GPS, GPRS/ EDGE, 3G, Wi-Fi 802.11 a/b/g/n aser USB OTG amshitettsü.
Oppo ajanga F5 indang selfie camera nung artificial intelligence aketba sayuogo. AI aketba beauty technology ajanga nisung ka tejak nung keta aliba tenük, teni, tejak indang teret aser taküm teret nunger ajiteta noksa tajunga adokdaktsür, ta company ajanga ashi.
Oppo F5 nung aliba selfie camera ajanga tesangwa meteta noksa nung tesangwa shidak inoktsür. Iba phone indang selfie camera nung 20-megapixel lens (f/2.0 aperture) aliba ajanga selfie agiba mapang Bokeh effect agütsüteter. Iba phone tesülen aliba camera ya 16-megapixel den f/1.8 aperture aser LED flash keta lir.