3buba Captain Kenguruse tournament osang

Kohima, September 16 (TYO): Tang tasayadak 3buba Captain Kenguruse Memorial Tournament nung Vanguard Football Club, Naga FC aser Naga Terriers quarter final tongtetogo. Iba asayamung ya Assam Rifles puri ayongzükba lir.
Tanü asaya mezüngbuba Local Ground nung asayaba nung Vanguard FC puri Tuli United FC 4-1 agi kokogo. Vanguard pur atema Yhunsalo Kemp-i minute 47 aser 80buba nung goal ana tashi idaktsü aser ano Chaba Chang o Seninlo Kent natia minute 59 aser 82buba nung goal kaka idaktsü. Tuli FC nungi goal kaji Imlimeren-i minute 77buba nung idaktsü.
Tanabuba asaya nung Naga FC pur tesülen nungi atua Nerhema 3-2 agi akok. Asaya tenzüker minute asembuba nung Nerema FC pur atema Petevizo Kezieo-i mezüngbuba goal agütsü, saka iba sülen mapang talangka moi lia Khwetelhi Thopi-i minute 11 buba nung goal agüja score kasasa aküm aser iba sülen ano paisa minute 32buba goal ka agüja par telok tejakdang toktsü. Asaya tanabuba shilem tenzüker minute 7buba nung Kakhevi-i Nerhema FC pur atema goal ka agüja score maneni kasasa aküm. Ajisüaka Minute 57buba nung Naga FC pur atema Kekhriesetuo-i tasembuba gola agüja parnoki iba asaya akok.
Tsiesema ground nung asaya nung Naga Terriers teloki One Ten FC madak 4-0 agi takok angu. Y. Khekiho Chishi-i mezüngbuba goal minute 9buba nung agütsü, iba sülen Chukanlong-i minute 39buba nung tanabuba goal aser Khekiho-i minute 44 aser 62buba nung tasembuba aser pezübuba goal agütsü.
September 18 nü asaya yamai alitsü:
Kohima local Ground:
1. Vanguard FC vs Friends United FC @ 8am
2. Naga FC vs Tizit Tornadoes @ 10:30 am
Tsiesema Local Ground:
1. Naga Terriers vs Medziphema United @ 8am
2. Green Club vs Laimcishm FC @ 10:30 am