63buba KVSA MEET tembangogo: T. Khel pur overall champions asü

Wrestling champion Kezhaseluo-o Pienyu ketdansertem aser asayartem den tangokba noksa nung angur

Kohima, Aenjeti 19 (TYO): Kohima Village youth Organization (KVYO)-i ayongzükba 63buba KVSA meet 2018 nung T.Khel puri overall champion jenjang ngutetogo.
T.Khel puri Gold 21 ngutet aser parnok sülen tanabuba jenjang nung gold 11 nguteta L.Khel pur liasü. D.Khel puri Gold 7 nguteta tasembuba jenjang ngutet aser pezübuba nung P.Khel pur liasü, parnoki Gold 4 ngutet.
Iba asayamung tatembangbuba anogo nung D.Khel puri wrestling asaya okshia akok. Par telok nungi asayartemi 1buba, 2buba aser 3buba jenjang ajak kokteta liasü. Iba saya nung arishi küm 19 tain Kezhaseluo-o Pienyu-i (D. Khel) defending champion Dzieselatuo Keretsu (D. Khel) madak final nung takok ngua liasü, aser kasa mapang nung Menuosetuo Yiese-i (D.Khel) tasembuba jenjang aser Kekhriengulie Whuorie-i (T.Khel) pezübuba jenjang ta koktetogo.
Teburtem Kija asayartem rongnung Neiketuolie Belho (T.Khel)-( Gold 2 aser Silver 2) champion asü aser tetsürtem rongnungi Dziesengunuo Solo (Gold 3 aser Silver 1) champion liasü.
Asayamung shibangba sentong nung o jembidang tetushi tesemdanger, Kohima Village Gazetted Officers Association (KVGOA) tir Er. Keviletuo Yiese-i, KVYO puri asayamung kanga junga ayongzükba atema parnok tenüng asang.
Paisa maneni küm tem tsüngda nung asayartem saisapong balala nung renloka aoba ngua pelaba lemsatep. Maneni pai asayartem dang national aser international jenjang nung asayatsü asoshi nükjidong yur renemshitsü asoshi ajungshi.
Iba asayamung track and field events nung otsü tasen ti tashi yangluteta liasü.
MEDAL TALLY yamai alitsü :

Medal tally yamai alitsü
G S B T
T.Khel 21 12 4 37
L.Khel 11 12 1 24
D.Khel 7 5 11 23
P.Khel 4 14 8 26