A B Vajpayee atema Delhi nung memorial ka yanglutsü

New Delhi Luroi/August 17 (Agencies): Yashi, Luroi 16, 2018 nü arishi küm 93 lia asüsang taoba mapang Ato kilonser, Atal Bihari Vajpayee nem tanü nikongdang linüki tetushi aser akhüm agüja mang rongdokogo.
Osang ka ajanga ashiba agi, Centre nung BJP-i aniba National Democratic Alliance sorkari Vajpayee nüngtem nung memorial ka yanglutsütsü atema telemtetba agiogo.
Osang angazükba agi Union Cabinet nung züngsem kati, Vajpayee nüngtem nung memorial ji Smriti Sthal nung yanglutsü, ta metetdaktsü.
Ajisüaka tanga osang ka ajangabo, taoba mapang India Ato kilonser ana- Jawaharlal Nehru (Shanti Van) aser Lal Bahadur Shastri (Vijay Ghat) na indang memorial na tsüngda Vajpayee indang memorial yanglutsü, ta metetdaktsü.
Ano tanga osang ka ajanga, Vajpayee indang samadhi-cum-memorial ji Rajghat anasa Yamuna ayongküm nung yanglutsü atema sorkar tebilemba lir, ta metetdaktsü.