Ain aketba ama sayu

Idangji pai sayuba nung parnoki süngmang, kechiaser pai tezülur ama masü saka ain aketba nisung ka ama sayu. Mark 1:22
Nisungtem dang Lai tesayuba agütsüba rongnung Yisuji mezüng masü kechiyong tangar tesayurtemia sayua liasü.
Saka tangar tesayurtem dang nungi Yisu balaka asübaji pai ain (Authority) keta sayu. Tezülurtem aika asoshi Lai O ji tetezü maka, kanga dang shikonga aliba ama ka liasü saka Yisu asoshibo iba ya taküm aliba Tsüngrem O. Yimsü nung lenirtemi Laiji zünga bushi saka tazüng. Kodang Yisui kasa Laiji azüng, Tebu Tsüngremi tangatetba aser ain aketba O angatetdaktsü aser Yisui sayu.
Yimsü benshiba aser Kibuba nungi aruba O ain aketba balala.
Nisunger tangatetba nungi ratettsü merangba O Tsüngremer taküm O jungkai adoka taküm küma jembiba balala. Tezülur aser Farisitem ama Laiji sayutsü koka lir saka Yisu ama Tsüngrem Oji ain aketba ama angatetter benshitsü aser sayutsuji koda jangratemtsü.
Nü taküm nunga Laishibaji koba jenjang nung agizüker?
Sarasadem : Taküm aliba aser ain aketba Lai ajanga kü taküm nung jembia aniang. Amen.