Alexis Sanchez tarutsü tia mejangjateter: Arsene Wenger

London, Aenjeti 12 (Agencies): Manchester club ana nungi Alexis Sanchez alizüktsü tejangraba lir, ta osang angashiba mapang ka nung, pa atema telemtetba tejangja mali aser Arsenal-i pa melen asayar tajung ka ngutetra, iba sülen ang ayoktsü, ta Arsene Wenger-i Rogonü ashi.
Iba season tembangba mapang Sanchez indang contract tembanger, aser transfer window mapang pai north London club ya toktsür aotsü imlar aser pa melena Bordeaux nungi Malcom ya Emirates-i arutsü südi, ta osang ajanga ashir.
Summer transfer window mapang Pep Guardiola-i Chile nunger Sanchez ya alizüktsü merang, saka tamakok alu, aser City-i maneni pa alizüktsü merangtsü südi.
Saka Jose Mourinho indang United-ia pa alizükner. Sanchez alizüktsü asoshi City-i sen million £20 agütsür, saka United-i pa atema sen million £25 agütsütsü mulunga lir, ta ashir.