Alokba Pongmang:

Alokba : Daniel, ni küm ishika tejaklen pongmang ka pongmanga lir, aser ni tanü tashi ni iba pongmangji kechi tetezüar merateti arur. Nai danga ratetjang.
Daniel : Sir Alok, nü pongmangji koma’ar kü dang shiang ju!
Alokba : Kü pongmangji yamai liasü, kümishika tejaklen nisung jenti rara tulu adoka taküma lalua azü tokshia rongrong tulu ka liasü, saka tia kaa nibo idakji maden, nibo tangar rongrongdang ozü ki temabai tuagi mener mopung asena parnok rarabaji dang repranga liasü.
Daniel : Aji danga na ?
Alokba : Ano pongmang talang ka sa lir ako! Yamaji rongrongba mapang nungjisa ni repranga dang lia tebur telok tulu kati süngden ka apur aru aser ni ya kechi ta asüngdang, parnoki ashi, Tulur, Nai akhidang na peria agir ano anünga toktsüba sen ya nür kibong asoshi bener arutsür ta kidang ajungdaka toktsür telokji pelatepa Ken no. 65 ALI AJAK AGÜTSÜA KA AJI SENPET TILA KA DANG ta iba kenji dena oadok. Ano iba sülenji kijung tsür telok tulu kati ninangmojitzü pipe nungmesür arua ozü kinüngtsü küna ayipba takdang atem ajak moshia aser ozü kidang drum, chibo, süngden ajak nungji ninang mojitzü jagi sünga toktsü.
Daniel : Aya! Iba jibo !!!!!
Alokba : Daniel, ano ken aremzüka liang ku tu! Ano pongmang ji maneni ni angu, tetsür telok jagisa ano ozü ki temeket aremaser lendi lenmang ajak kecha meinprong masütsüsa merük merüka sademsadema liang no ta sür oadok. Kü pongmangji iba tashiji liasü.
Daniel : Oh yimsüsür Sir Alok! Nü pongmang tetezüji yamai, mezüng telok raraa rongrongbaji na election-i aibamechi nung yimer aser area ajak raratepba tu koda? Tanabuba nung tebur telok kati nai akhidang agir anüngba sen süngden apur arutsübaji nüburtemi nameranga yariba, na govt. mapa nung inyakdang, Nü deptt. nung nüburtem asoshi terenlok mapa atema sanction aruba ajak nai na asoshi bendena yur ang ano nasa MLA Minister kümera na sa agitsüba ya sayuba liasü. Ano tetsür telok kati nü ki ajak sünga ninangmojitzü agi süngtsür kima lendi lenmang ajak sadem sadema merüka inyaka toktsüba tetezüji dang na tatar yimsüsübamenden nung opposition-i kechameinprong mesüi sadem sadema nü kinüngtsü aser nür chirnur ajak rongsenma nungmozüa alitsüba ya jilia pongmang daktsüba liasü aser ken no. 65 tetezüji Naga lima ajak asoshi Centre nungi sen yokba ajak agi nai tenük masünger. Sir Alok, ni nü dang tatem nung ya shinür, Na iba akümli atemdangbo nai itemrongsen ka danga benermotettsü, asenok meimchir asoshi tatemnung ali feet asemaser terok dang nüngdaktsü ako nu!!!! Saka nai nüburtemasoshimapa tajung inyaka toktsüba jibo na meliaka kodanga samaa maotsü.
Lilir : I.Meren Lemdor, Tzüdikong Town.