Alokba’er kibong nung taginuba onsara

Alokba : Hai tantsü…. Pension sen mapang talangka mengui aliba tu agizükogo, anungji na-a kechi aginer’ar shiang aser Narola o Sobangba nata kechi kechisa aginer’ar shidangangjo….ajiser nia ni aginüba kar alijar….
Warakla : Shidaka….. tambu nabo na kechi aginer’ar nü dang ajungba ka süang… saka nibo yakta nungi nukshia aliba kou merem-merema rong anutsü, aser kirak-kiraka yanglutsu atema Beauty Parlour-i dang khen odi-jai…
Narola : Oba…… nibo tanü asüng adokba Mobile Phone ka alitsü Rs.40,000/- dang nüngdaker.. aji mesüra ni tangabo kecha magitsü ako….
Sobangba : Oba …nia tanü asüng adokba Motorbike ka alitsü Rs.1,50,000/-dang nüngdaker…aji mesüra ni tangabo kecha magitsü….
Alokba : Waammaa… ni tilar ka pension sen kwika angutsü..!!! lakh ishika anguba agi nia Maruti Car second hand kabo alinur …aserbo ano ki tajungsa masü yonga tila kabo yanglunur nung koda…. asen kinunger taginüba ajak ya atongtsüba ya kodaser peritettsü…??? Oh maka-ka…!!!

Lilir: L.Kika Pongener, Aoyimkum, Dimapur.