Asentzü sendokba ajanga tajangzük kar

Asen temang nungi asentzü sendokba ajanga temang temperature azüoker. “Asentzü asenba tongti nükjidongji asen temang mokonga kümdaktsütsü atema lir.” Asentzü indang ‘glands’ ajanga teküp nungi asentzü adokdaktsür, aser ibaji ajanga asen temang telung nung temperature ajema kümdaktsüba nung yarir.
1. Asentzü sendokba ajanga zübo/tarak aneptsür. Teküp nung ‘eccrine sweat glands’ million aika lir, aser iba nungjagi asentzü sendokdang ‘toxins’ (miim), metzü, cholesterol aser alcohol dena indoker. Asentzü sendoka mapa inyakba ajanga azü jajaba tezü dangbanger aliba merüktettsür.
2. Asentzü sendokba ya ‘antibiotic’ ka mesüka lir. Asen temang nung rangsaba aser merla agi metepba ama tilateri taraktemji asentzü nung keta ‘dermcidin’ ajanga aneptsür.
3. Research ajanga bushitetba agi, mapang shia asentzü sendoka exercise agiba den külemi tzü peria ajemertemi tezüngjang nung long kümtetba azüokteter. Exercise agidang asentzü sendokba ajanga temangi tzü akhanger/meshir, koba ajanga tzü jema tezüngjang merükteter.
4. Asentzü sendokba ajanga asen temang nung ayangashiba ajema kümdaktsür. Exercise agia asentzü sendokba ajanga tekolok nung ‘neurochemical pathways’ junga kümdaktsür, aser ibaji ajanga endorphins adokdakja asen temang nung ‘painkillers’ ama mapa inyaker.

(Source – Internet)