Assam state mapa inyakertem atema tanur 2 policy tenzüktsü

Guwahati, September 19 (Agencies): Assam sorkari tawa tu State Population Policy agizükba sülen state sorkar mapa inyakertem atema tanur ana sentong tenzükogo.
Iba ajanga Assam ji India nung tanur ana inyakyim mapa küma inyakba state 12 buba kümogo.
Iba sentong kübok tanur ana dak tema alirtem Panchayat mesüra tanga local bodies’ elections mesüra sorkar mapa nung meshimoktsü.
State sorkar mapa inyakertem indang service rules nung two-child policy tenzüktsü atema temelenshi kar asütsü, ta Assam health & family welfare minister, Himanta Biswa Sarma-i ashi.
Assam sorkarisa Centre dang Assembly elections nung tokteptsü candidate tem asoshia tanur ana telatetba inyakyim amshitsü atema tebilemba lemsateptsü.
“State nungi MLA kati danga family planning telatetba alema inyakra, pa/la ji membership nungi anentsütsü aser elections nung metoktepdaktsütsü” ta Assam State Population Policy nung lateta lir.
Iba policy ya Health & Family Welfare Department aser state sorkari yangluba lir.
2011 Census nung ashiba agi, Assam nütsüng yongsük crore 2.66 (2001 census) nungi crore 3.2 renlok.
Assam indang Population Policy ji National Population Policy nungi agizüka yanglu aser linük indang policy ajanga 2045 küm tashi nung India nütsüng yongsük ajema kümdaktsütsü nükjidong lir.
Assam dak alia Bihar, Himachal Pradesh, Madhya Pradesh, Rajasthan, Haryana, Andhra Pradesh, Odisha, Chhattisgarh, Gujarat, Maharashtra aser Uttarakhand state tem nunga state sorkar mapa inyakertem atema tanur ana policy tenzükogo.
Iba policy ya Madhya Pradesh, Chattisgarh, Haryana aser Himachal Pradesh nunga mapa küma tenzük saka parnoki iba telemtetba meyipa agiogo.