Atangji asen Naga lima ya Dry State ka kümogo

~ I. Meren Lemtur, Tzüdikong.

Asen Naga nübortemi küm ishika tejaklen Naga lima nung joko temesepba Yi kenyongi mamshitsü ta telemtetba tulu ka lemteter Naga limaji dry state ta yimyim ayimer tanü tashi arutagi. Saka iba telemtetba nung tanü tashi kecha nunga takok mengui arudagi. Tema nungbo asen lima nung Yi dokanbo lapoka mali , saka Yi ajemerbo akhidang dang nungi dang teimba kümogo. Ano akhidangbo tebur dang kar jema liasü, saka dangbo Yi ajemer tetsür teimba küma odagi. Naga lima dry state kümogo ta kechi agi kuli angur ta süra, tang Assam wine store nung Rum full bottle nung Rs 130 agi alir, ibaji Nagaland kodang tongdir Rs.400 agi ayoker, half bottle Rs.70 agi alir asen lima nung Rs. 200 agi ayoker, süra ajakji asen Naga nunger rongsensa indoker masü na? Asen lima nung Yi sadema ajemtsü mangurji asen Naga nunger Dimapur-i aodang aser taru dang Solonijan aser Mariani nung Assam nunger nem anogo shia Yi nung rongsen kwi asen Naga nungeri paoka toktsür? Tangar Assam limabo asenok rongsen agi manger mesangwa nung par lima renloka melenshiba ya asenoki angur.item ajak ya asen Naga nungeri Yi aser Chiyungba ano tanga shishilembaba nung inoka toktsüba rongsen lir. Süra shidakba asen limabo dry stateji akümer masü na ? Ano asenoki Nagaland for Christ ta jembir, saka Nagaland for Assam ta ashitsüa koka asen Naga nunger iba tia nung Assam nung Adivasi kolirtem kübok parnoki koma ka amshinür yamaji müsüshidakja rongsenbo jenti parnok lima nung indoka, par lima nung asen temeten kecha nunga mali mezüngmeshidakja asenok alir masü no!
Ano dang asen lima nung sorkar tenzükertem pa la mapa inyakba asoshi tangutsü tim magütsüi tulurtemi chimaadoker , iba den ano deptt karbo ita sena mapang shitak nung magütsüteti temtem tulu akia rokongseta litagi, süra asen Naga limaji dry stateji masü na?
Naga lanurtem pei pei tejangraba nung tsürapurtemi makamait arema tangar dang apua rongsensa rongsen indoka pei chirnurtem züngtetdaktsür külen sorkar tenzüktsü asoshi interview agüjang ta osang kaket nung adoktsür mapang tadong nung interview agütsür mulung lemlema ataa alinung, tulur aser rongsen akar takarbaer jabaso aser jala tuang soarkar mapa inyaktsü angur, sensaker kibongbo tanur züngdaktsüdang rongsena ajak sama,aser tatem nung ano tanurtema jenjang makai akümer, iba yaa Nagaland dry stateji masüa ma??
Tang Nagaland dry state ta ajatsü makoktsüba ano ka lir. Ibaji koba ta süra, tang Nagaland nung gari lenmang ka nunga black topping mali lenmang ajak nung kodanga mokongdangi lenmang ajak nung tzütu amai tzü talubosa atsünga lir,anungji iba agia sayur, asen limaji dry stateji mekümtettsüang südi.
Temeim asen Naga nungertem, koba Yi asenoki nokdangtsü meranger iba Yibo anogoshia renloka renloka aoer, iba den tulur,takartembo rongsen agi tenük masüngba , masüngba akümer, saka asen Naga limabo anogo shia takongba, takongba küma odagi, anungji Yi ya masü saka asen lima kongreba aoba yang tamasa reprangshitsü mapang tongogo ta lemsatepber.