Avocado süngjang ajanga temang nung tajangzük agütsüba

Süngjanglijang aika nung carbohydrate lir, aser avocado nungbo temang asoshi ‘fats’ kanga lir. Bushisüngdangba balala aika ajanga iba süngjang achiba ajanga asen temang nung tajangzük jenti agütsüba bushitetogo.
Scientific research ajanga avocado ajanga tajangzük agütsüba kar yamai:
1. Iba süngjang nung nutrients tajung lir aser teronem tajung aliba ajanga aon asodanga amshir. Tanü-asüngbo temang anema linürtem asoshi iba süngjang ya kanga nüngdaka bushiteper, kechiyong iba süngjang nung vitamins aser mineral 20 densema nutrients tapu balala aika lir. Iba süngjang touzük gram 100 nung Recommended Dietary Allowance (RDA) nung Vitamin K shielm, 26, Folate shilem 20, Vitamin C shilem 17, Potassium shilem 14, Vitamin B5 shilem 14, Vitamin B6 shilem 13 aser Vitamin shilem 10 lir.
Iba dak alia Magnesium, Manganese, Copper, Iron, Zinc, Phosphorous, Vitamin A, B1 (Thiamine), B2 (Riboflavin) aser B3 (Niacin) lir.
2. Somomo (mongu) dang nungibo avocado nung potassium timba lir. Nisung aikati potassium peria machir. Iba nutrient ajanga temang nung aliba cell indang electrical gradients nung yarir aser tongtibang shilem aika agir. Bushisüngdangba aika ajanga iba süngjang achiba ajanga blood pressure ajema kümdaktsür ta bushitetogo.
3. Avocados nung fiber keta lir aser iba ya ajanga temang touzük ajema kümdaktsür, blood sugar ajema kümdaktsür aser tashitak balala aika nungi lenbur.
4. US nung NHANES survey ka ajanga nisung 17,567 nem shilem agidakja tendangba ajanga avocado süngjang achirtem temang anema aliba bushitet.
5. Avacado süngjang ajanga nü sentsü/teküp tajungba kümdaktsütsü. Iba süngjang nung Omega-9 fats keta aliba ajanga teküp meremba aser mesakba ajema kümdaktsütsü aser raksa-a aliba skin cells junga kümdaktsütsü. Iba dak alia teküp kangtenba (wrinkles) nokdangtsü.
6. Diabetes agi shirangertem dang iba süngjang achitsü tuyur, kechiyong iba süngjang nung oleic acid keta lir, koba ajanga LDL cholesterol tamajung ajema kümdaktsütsü aser HDL cholesterol tajung arentsü.
7. Temang ayang-ashirtem iba süngjang chira temang ashiba ajema akümtsü.
Iba süngjang nung monounsaturated fats, phytosterols aser vitamin E, vitamin C ama antioxidants den carotenoids aliba ajanga ayang-ashiba ajemdaktsüba nung yarir.
                                                                                                                               (Source – Internet)