Avril aser Chad na balayonga külemi ken mejemer

October 2015: Avril Lavigne aser Chad Kroeger na 2012 küm studio nung ken külemi züluba mapang meimtep aser tang dena balayonga mapa külemi inyakba nungbo tesentaktep lir.
Tena taoba ita balatsü sandongyonga apuani- Avril Lavigne aser Chad Kroeger nati ken tasen mejemdar, ta osang ka ajanga ashi.
E! Online osang ajanga, tena September ita nungang balayonga tena studio nung ken külemi züludar.
Taoba mapang tenati Lavigne indang 2013 küm single ‘Let Me Go’ ken tena liasü. Tena July 2013 nung kibong akum, ajisüka iba kümjisa Lavigne Lyme tashitak agi shirangba ajanga tenati tayongzükba tuluka ajurua liasü.
Avril aser Kroeger nati August ita nung tena balatsü osang sandonga liasü.
Avril-i la indang Instagram page ajanga “Kibong akümba ajanga dang masü saka kenten nunga künati temenungratsü mapang aika alangzükogo. Küna tsüngda kati ka atema bilemtsür aser teti medemer tajungtiba asütsü. Ozü kinüngertem, medemertem aser sapurtem, nenokji nungitba atema pelar,” ta ashi.