‘Bajrangi Bhaijaan’ film ajanga sen crore 500 ajangzüktettsü

July 31, 2015: Bollywood nung asangur actor Salman Khan-i Bollywood Box Office nung tesüiba küm ishika sen crore aika ajangzükteta arudagi aser Shah Rukh Khan den Aamir Khan na aiben pai ajateta inyakogo aser tang pa film tasenba ‘Bajrangi Bhaijaan’ ajanga-a Box Office nung sen aika ajangzüktetdagi.
Osang ajanga angazükba agi, Kabir Khan’er film ajanga Indian market nung sen crore 350 kobi melii ajangzüktsü aser bendanglen sen crore 128 ajangzükogo. Koba tetezü kobi melii Salman Khan-i tongti shilem agiba film ya sen crore 500 club nung züngoktsü.
Film nungsa Harshaali Malhotra, Kareena Kapoor Khan aser Nawazuddin Siddiqui nungeria tongti shilem agia lir.