BCCI puri mezüng saru lakh 44 agütsü

New Delhi, September 9 (Agencies): Good & Services Tax (GST) koba Centeral sorkari July1 nü benoka liasü iba saru nung linük nung sporting body takartiba BCC-i saru lakh 44 agütsüogo.
BCCI official website ajanga ashiba agi, July ita atema parnoki GST sen 44,29,516 agütsü.
Indian national team physio Patrick Farhart-i Ita pongu atema sen million 6 (58,87,139) tera mejungi agütsüogo.
Asayar kar nem 2015-16 season atema international asaya nungi gross revenue agütsüogo.
Asayartem rongnung Stuart Binny nem timtiba agütsü, pa nem sen lakh 92 (92,46, 412) aser Harbhajan Singh nem sen lakh 62 (62, 52, 871) agütsü.
Left-arm spinner Axar Patel nem lakh 37.51 aser Umesh Yadav nem lakh 34.79 agütsü.