Bharti Airtel, S K Telecom na 5G technology atema longjem

New Delhi, September 13 (Agencies) : Bharti Airtel aser Korea indang telecommunications company SK Telecom nati Bodhbarnü dena lokteper India nung ‘advanced telecom network’ yangertsü sangdongogo.
Company ana ya lokteper mapa aika inyaktsü, network tajangshiba khenyongi balaka tajungba kümdaktsütsü asoshi parnoki software ka yangertsü, data ulushitsü aser costumer temi pei device tem nung ajangshiba dak ajemdaker network sentong tajungba küma melenshitsü, ta Delhi nung company sangdong ka ajanga ashi.
Company ana yagi ano 5G, Network Functions Virtualization (NFV), Software-defined Networking (SDN) aser Internet of Things (IoT) mapatema inyaktsü, aser item inyakyim ajak ya India nung apettsüsa inyaktsü.
“Iba lungjemba ajanga alima nung mobile broadband networks tajungtiba amentetba company, Airtel indang India nung aliba customer tem nem tajangshiba khenyongi balaka agütsütsüng, ta Chairman, Bharti Airtel, Sunil Bharti Mittal-i ashi.
“Parnok mapatem takok ngua Bharti customer tem nem network temelenshi tajungtiba agütsütettsü asoshi SK Telecom-i Bharti den kanga amalitepa inyaktsü,” ta President aser CEO, SK Telecom, Park Jung-ho-i ashi.