Bihar aser HP Angh shimogo

New Delhi, August 08 (Agencies): Assembly election agitsü aliba state Bihar aser Himachal state Angh atema Honibar nü senior BJP lenir Ram Nath Kovind aser Acharya Dev Vrat na shimogo.
Uttar Pradesh, Kanpur nungi arishi küm 69 Kovind ya 1994-2006 küm tsüngda Rajya Sabha züngsem anaben tashi inyakogo, aser Bihar nung assembly election agitsü mapang ka nung pa shimogo. Tang West Bengal Angh Keshri Nath Tripathi-i Bihar Angh repsema bena lir.
“Tir-i Bihar Angh atema Ram Nath Kovind aser Himachal Pradesh Angh atema Acharya Dev Vrat melungsüa shimogo,” ta Rashtrapati Bhavan sangdong ka ajanga ashi.
Himachal Angh menden ya tang Rajasthan Angh Kalyan Singh-i repsema bena lir.