Brexit referendum agishitsü menüngdak: Theresa May

Munich, Tsüklai 17 (Agencies) : European Union nung madentsü atema tanaben vote agütsüshitsü menüngdak kechiaser 2016 Aami (June) nung kechi renemogo iba nung jagi masetshitsü, ta Britain Ato Kilonser, Theresa May-i metetdaktsüogo.
“Onoki EU toktsür aor anungji tanaben referendum agishitsü mesüra tesüleni meyipa aotsü menüngdak aser ni bilemer, ibaji tongtibang,” ta Munich Security Conference nung jembidang May-i ashi.
Britain nungeri tanaben referendum agishitsü atema bilemer asü (?) ta asüngdangba ka langzüdang laisa ashiba agi, “Onoki telemtetba ka agira iba nung jagi sorkari memeyipshitsü ta UK nung aliba nüburtemi kanga dang ret-reta bilemer.”