Bryan Adams kensep tasenba Oct. 16 nü sayatsü

 

August 26, 2015: Nüngtugu kentener Bryan Adams-i sangdong ka ajanga pa indang studio kensep tasenba ‘Get Up’ October 16 nü sayatsü, ta metetdaktsüogo.

Ibe kensep nung kentemji pa den mapang talangka nungi külemi inyaksema arur Jim Vallance-i yarisema züluba kentem lir.

Ken 13 aliba kensep nung ken tasen 9 aser acoustic version ken 4 rongnung fast & furious up-tempo track tem- “Brand New Day”, “You Belong To Me”, “Thunderbolt”, “Don’t Even Try” aser “We Did It All” densema lir.

“Iba ya partnership tajung ka liasü, kechiyong ibaji ajanga ken zülutsü atema ni mapang peria angu, ken timbaka Jim Vallance den sentepa yanglu,” ta Bryan Adams-i ashi.

“Onok ajaki internet ajanga, ken agi temulung masü tashi ken demo aser ken shilem balala yoktepa Canada, Europe aser Los Angeles nungi inyaktepa liasü. Iba kensep asoshi balaka bilemer aser lenmang aisü nung iba kensep ya küm 25 tejaklen adoka liasü ta südaktsüner,” ta arishi küm 55 Adams-i ashi.

‘Get Up’ kensep kentem nungsa kongki tapu balala atemer, kenzülur aser producer Jeff Lynne-ia Adams den yaritepogo.

Jeff-i, “Ni mapang talangka nungi Adams sapur ka liasü aser pa den külemi inyaksembaji jangratatemtiba liasü. Bryan-i internet ajanga ken demo sa yok, iba sülen backing track atema ni kongti timbaka atem aser England-i pa dangi yok,” ta ashi.

‘Get Up’ kensep nung ken 13 ji- “You Belong to Me”, “Go Down Rockin'”, “We Did It All”, “That’s Rock and Roll”, “Don’t Even Try”, “Do What Ya Gotta Do”, “Thunderbolt”, “Yesterday Was Just a Dream”, “Brand New Day”, “Don’t Even Try”, “We Did It All”, “You Belong to Me” aser “Brand New Day” lir.