BSNL-i sen 1099 agi anogo 84 atema unlimited data/calls agutsütsü

New Delhi, Tsüklai 09 (Agencies): BSNL-i offer tasenba kübok anogo 84 nü unlimited call aser unlimited 3G/4G data, anogo shia SMS 100 aser Personalised Ring Back Tone (PRBT) agutsütsü.
Anogo shia India nung company tem tsüngda telecom market nung kanga tetoktepba kadar, aser ibaji ajanga consumer tem dang kanga tajangzük angur.
Reliance Jio, Airtel, Vodafone aser Idea-i offers balala agutsüdar, aser ibaji market nung parnok jenjang ajungtsü atema lir.
Company tem toktepba mapang ka nung linük meyong telecom operator BSNL-ia prepaid customer tem nem ‘KOOL’ offer agutsüogo.
Iba offer kübok customer temi anogo 84 tashi local aser national number naprong nung anogo shia unlimited calling angutsü, unlimited 3G/4G data angutsü, anogoshia SMS 100 angutsü aser Personalised Ring Back Tone (PRBT) angati angutsü.
Iba offer jenjangji sen 1,099 lir, iba tetezü item offer ajakji anogo ka nung sen 13 agi angur.
KOOL offer dak sendakba nung BSNL Board züngsem aser Director, RK Mittal-i, “Onoki ozü customer tem nem jenjang temelaba agi services tajung agutsütsü atema inyaker. BSNL-i sen 1099 agi KOOL offer agutsür, aser ibaji ajanga nüburtemi pei kibong aser medemertem den sendaktepa litettsü,” ta metetdaktsü.
Iba plan kübok FUP limit mali, anungji tamshirtemi unlimited data angusü, ajisüaka tesem aika nung BSNL indang internet speed ji 3G dang lir, aser Kerala kija nung internet speed ji 4G lir.
Validity anogo 84 ji tanga operators den medemdangra, Jio-i sen 448 agi anogoshia 2GB 4G data den angati unlimited call aser unlimited SMS agutsür. Ano sen 399 plan ajanga anogoshia 1.5GB 4G data den call aser SMS tajangzük kasa agutsür.
Airtel-a kasa plan sen 399 agi unlimited local aser STD call, anogo shia SMS 100 agutsür saka anogoshia 1GB 3G/4G data dang agutsür.