BWF Superseries Finals: Sindhu semifinal nung tsükogo

Tetsürtem tenarong raksaba shilem 5.5 bo ibuprofen mesüra acetaminophen achiba ajanga lir.
Na tekolak tera angohdanga pain killer achiba yimya lir asü? Kümdangang, study ka ajanga bushitetba agi, tetsürtem pain killer küm 6 mesüra tali achirtem tenarong ajanga angashiba tashi samatsü.
“Tenarong ajakba ya kangasa bulua adokba tashidak ka lir aser iba ajanga taküm nung timtem aika ajurur,” ta Brigham & Women’s Hospital, US nung physician Gary Curhan-i ashi.
Ibuprofen mesüra acetaminophen achiba ji tenarong ajakba den sentakteba lir.
Aspirin küm kobika achiba ajanga tenarong nung timtem adoktaktsür ajibo parnok teloki jangjaa mebushitet.
“Pain killer achiba ajanga tenarong nung timtemji kanga tesashibo magütsür, saka temang nung timtem tilaka adokba ajanga kanga tim atemer. Temang nung teraksa agütsübaji asadangra, tetsürtem tenarong majung alir shilem 5.5 po ibuprofen mesüra acetaminophen agiba ajanga lir,” ta Curhan-isa metetdaktsü.
Non-steroidal anti-inflammatory drugs (NSAIDS) mesüra acetaminophen agiba ajanga tenarong nung timtem adokdaktsüba kuli ji lir, saka iba ajanga timtem koba tashi adokdaktsür ibajipo research agirtemi mongutet.
Iba study atema parnoki küm 48 nungi 73 tsüngda tetsür 54,000 shi tendanga liasü. Parnok tetsürtemi aspirin, ibuprofen aser acetaminophen koba tashi agir, itemji asadanga kuliji bushitet.
Iba study ya American Journal of Epidemiology nung agüja lir.
(Source – Internet)