Central Nagaland Tribal Council-i aitsür

Dimapur, July 14 (TYO): July 9, 2015 aonung Kohima nung Geology & Mining Parliamentary Secretary, Dr. Imtiwapang Aier’er kidang nisung tamajungertemi injang kahlokja tasümait mapa inyakbaji Central Nagaland Tribal Council-i kanga sashia aitsür, ta CNTC Tir, Hokiye Yeptho aser CNTC Pub & Info Secy, Longshi Ezung nati tanü külem sangdong ka ajanga metetdaktsüogo.

Iba tatalokba asoshi ozüng amertemi bushisüngdangtsü aser tekaraba nung aibelenertemji aputsü CNTC-i akhanger. Tawa-tanü tensa tamajungba kümdagi anungji iba ya sorkari süoki ia agitsüla, joko asen state nung kanga tongtibang nisungtema dena nisung tamajungertem nungi jenbua maliba ya tebilemtsü tulu ka lir, ta CNTC sangdong ajanga metetdaktsüogo.