Chennai Open: Bhambri Quarters nung Yasutaka den asayatsü

Chennai, Tsüklai 14 (Agencies): Chennai Open ATP Challenger tennis asayamung nung India nunger asayartem rongnungi Yuki Bhambri-i dang quarter tongtetogo. Pai Rasemnü kulem India nunger asayar Sidharth Rawat 6-2, 6-3 agi koka iba jenjang ajangtetogo.
Yuki den külemi Australia nunger top-seed Jordan Thompson aser No.3 & 4 seeds Duckhee Lee (Korea) aser Mohammed Safwat (Egypt) nungeri quarter-finals tongtetogo.
Quarter final nung jenjang ka atema India nunger asayartem rongnung Arjun Khade aser Abhinav Sanjeev Shanmugam na densema liasü saka tenaprongla pei tata asaya nung Safwat aser Lee na mekoki iba asayamung nungi tuguogo.
Bhambri aser Rawat na asaya nung Bhambri-i serve ka danga drop masü aser pa den tokteper indang serve set anaprongla nung anaben ben tashi break süa pai asaya akok.
Pa quarterfinals nung Japan nunger asayar Yasutaka Uchiyama den asayatsü jangjaogo, shibai Turkey nunger asayar Cem Ilkel 6-4, 7-5 agi koka liasü.
Top-seed Thompson-i 6-3, 6-2 agi Thailand nunger asayar Wishaya Trongcharoencharikul madak takok angu aser pa taruba asaya Serbia nunger asayar Danilo Petrovic den semifinals nung jenjang ka atema asayatsüba lir. Danilo-i tanabuba round nung Spain nunger asayar Enrique Lopez Perez madak takok ngua quarter final tongtetogo.