Chris Brown-i Zayn Malik den külemi inyaksemner

August 10, 2015: Rap kentener Chris Brown-i taoba mapang ‘One Direction’ züngsem Zayn Malik den külemi inyaksemner, ta shiogo.

Mangatettep ken o aika alisang Chris Brown-i tawa pop kentener, Rita Ora den külemi ken ka tena liasü aser pai, Malik tenaprongla RCA Records den tezüngzüktep agia lir, anungji pa den külemi inyaksemner, ta shiogo.

British Radio station-i pa interview agiba mapang Brown-i, “Atangji, kasa jila nung alir Zayn. Tangbo künaprongla label ka nung lir. Atangi, atangji, (Ni pa den külemi inyaksemner). Ni nisung shinga danga maaker aser pa ya kentener tajung ka ama ni bilemer,” ta ashi.

“Tangbo pai kija kentener, pa sapur aika lir ta ni meteta lir aser pa sapurtemi pa kentem angatsü yongyar, anungji pa den külemi inyaksemtsüji tajung asütsü. Studio nung külemi inyaktsü atema kü nübo angutsü tasak masü, nisung ajak ken nung ni densema lir,” ta paisa ashi.

Taküm Malik-i ‘One Direction’ telok tokja liasü, aser RCA label den pa kija kensep atema tezüngzüktep agiba pai tawa sangdongogo.