Colorado nung nisung asem khaset

Denver, November 02 (Agencies): Colorado tezülen aliba supermarket ka nung prangbong bena alir kati nisung asem khaset.
Iba nisungba ya kanga yimpazüa Walmart supermarket-i arua injang khaloktsüdang nisung asem khaset, ta police temi ashi.
Iba lendong nung nisung ana iba tesem nung asü aser tetsür ka mozükidang asü.
Iba nisungba yagi injang tabi agi khaloktsü aser gari ka nung jena ao, ta police temi ashi. Iba nisungba ya tang tashi monguteti lir aser video footage ajanga police temi pa jangjatsü meranger.
Iba lendong ya Bodhbarnü 18:00 ako (ayatirm GMT) nung Colorado yimtiba Denver nungi north-east tsütsü kilometre 16 orr aliba Thornton indang Walmart supermarket nung atalok.
Iba lendong agütsüba kuli kicha monguteter, ta Thornton Police Department indang odongtar Victor Aliva-i ashi.
“Iba lendong atalokba indang kicha ashitsü makok. Iba lendong ya kicha nükjidong makai inyakba amai ajiteter,” ta Aliva-i ashi.
Prangbong ola angashidang ni self-checkout nung liasü, ta arishi küm 44 tain Aaron Stephens-i ashi.
“Prangbong ola angashiba sülen iba Walmart nung mapa inyaker aser nisungtem ola adoka asatep aser store toktsür jena ao,” ta Stephens-i shisem.