DDTTA Selection Camp ka akatsü

Dimapur, November 18 (TYO): 1buba Nagaland Olympics koba December 13 nungi asayatsüba lir, iba dak sendakba nung Table Tennis Association (DDTTA) puri November 27 aser 28 nü Multipurpose Stadium nung asayartem shimtsüba atema Selection Camp ka akatsü, ta DDTTA, General Secretary Dilip Sharma-i sangdong ka ajanga metetdaktsü.
DDTTA nung züngoksema aliba asayar shirnoki jangrar parnok ajaki iba Selection Camp nung shilem agitettsü. Maneni Association nung züngoksema maliba asayartemia November 25 nü mesera ibaji matongdang parnok tenüng agütsütettsü. Iba selection camp nung shilem agitsüba atema form November 20 nü nungi tenzüka Stadium nung nikongtsütsü angutsü. Iba form agütsütsüba atema tatembangbuba anogo November 25 nü asütsü aser iba sülenbo asayar shinga magizüktsü, ta kasa sangdong ajanga metetdaktsü.