Diego Costa Atletico Madrid-i meyipa aotsü

Madrid, September 21 (Agencies): Diego Costa tanaben Spanish club dangi aotsü asoshi tangatettep kati aruogo, ta Chelsea aser Atletico Madrid nati Brehostibarnü metetdaktsü.
“Diego Costa transfer asütsü atema Atletico de Madrid aser Chelsea naprongi molungtepogo,” ta Atletico Madrid ajanga sangdong ka nung ashi.
“Tang bo joko club aser Spain nunger football asayar Costa tsüngda iba contract renemtsü dang anünga lir. Chelsea-i Diego Costa ya Madrid-i oa medical test agitsü aser pa indang contract renematsü melaogo,” ta Spanish club ajanga ashi.
Chelsea-ia Diego Costa transfer asütsü atema molungtepogo, ta ashi.
“Iba transfer ya nija aser medical term tsütsü dang anünga lir,” ta Chelsea-i ashi.
Arishi küm 28 tain Costa ya asaya aika nung Chelsea manager Antonio Conte-i shilem magidaktsü aser asayartem alizüktepba mapang nunga yamaji tom nung yutsü.
Osang ka ajanga ashiba agi, iba deal ya sen million $71.3 (60 million euros) jenjang lir, saka Marca osangkaket ajanga ashiba agi, Atletico-i sen million euro 55 agütsütsü aser ano million euro 10 agütsüsemtsü.
Saka Costa ya tang bo Atletico nungi masayatettsü, kechiaser iba telok ya taruba küm January ita tashi asayar tasen anioktsü nungi nokdanga lir.