Dimapur nung District level Kala Utsav sentong agi

Dimapur, Sept. 21, 2017: Brihostibarnü Dimapur nung District Level Kala Utsav tetoktepba sentong nung tangokba noksa nung angur. 

Dimapur, September 21 (TYO): Rashtriya Madhyamik Shiksha Abhiyan aser District Education Society (RMSA) Dimapur-i ayongzüka Dimapur District atema District Level Kala Utsav Competition, ‘Ek Bharat Shrestha Bharat” September 21, 2017 nü GHSS Dimapur nung agiogo.
Iba sentong nung jembidang Joint Mission Director RMSA, Visiezolie Yashu-i, Kala Utsav ya Rashtriya Madhyamik Shiksha Abhiyan kübok Ministry of Human Resources indang mapatong ka lir, aser iba ya linük nung secondary nung azünger kaketshirtem sempet sayaba ajanga parnoki shisaliok nung arts ajungkettsütsü atema lir, ta metetdaktsü.
Paisa, iba nükjidong ya India linük nung sobaliba awareness agütsütsü atema lir, ta ashi.
Tetoktepba sentongji telemsa ana nung agia liasü- Dance aser Visual Arts, aser iba sentong nung sorkar school pezüi shilem agi.
Tsüngsang toktepba nung GHS Akahuto aser GHS Naga United nati mezüngbuba aser tanabuba jenjang nung takok angu, aser Visual Arts tetoktepba nung GHS Sarbura aser GHS Khaghaboto nati mezüngbuba aser tanabuba jenjang nung takok angu.
Telemsa ana nung takok anguba school anati state level tetoktepba nung shilem agitsü.
Item tetoktepba nung tetendangertemji- Headmaster GHSS Dimapur, Mathung Lotha, DPRO Dimapur, Lolano Patton aser District Art & Culture Officer, Lampha Konyak nunger liasü.
Iba sentong ya Principal GHSS Chumukedima, Karen Sema leniba nung agi aser HM, Khetoni Sema-i sarasadema liasü.
Kasa sentong nung GHSS, Dimapur nungi kaketshirtem ken ka ajanga shilem agia liasü.