Dimapur nung ‘World Bamboo Day (NE India) amongtsü

Dimapur, September 16 (TYO): September 18-19, 2017 anogotem nung Nagaland Bamboo Resource Centre, Dimapur nung ‘A Natural Celebration’ omen nung ajemdaker ‘World Bamboo Day Celebration (North East India)’ amongtsü, ta tanü ketdangsertem osang ka ajanga metetdaktsü.
Northeast tesem nung rongsenkettsüng terenlok atema aou ya koda tongtibang, iba awareness agütsütsü nüngtem nung World Bamboo Day anogomung amongtsü.
Iba sentong nung tongti tesemdangerji Nagalanad Chief Minister, T.R. Zeliang asütsü aser tetushi tejaokerji, Ministry of DoNER Secretary, Naveen Verma asütsü.
Iba anogomong nung Ministry of DoNER den aou dak sendakba nung technical summit ka akatsü, inaugural session aser exhibition alitsü, iba den külemi Northeast tesem ajaklen nungi aou agi yangluba oset balala ayoktsü, Nagaland Bamboo Resource Centre nung units ajak semdangtsü aser aou atemba sentong agitsü.
Iba sentong ya September 18, 2017 anepdang 9:00 ako nungi tenzüktsü, aser iba sentong nung adentsü atema Nagaland Bamboo Development Agency-i ajak jaoker, ta ketdangsertem osang ajangasa metetdaktsü.