Dr.Imtiwapang’er kidang akhaba aitsür

Kohima, July 11 (TYO) : Parliamentary Secretary, Dr.Imtiwapang Aier’er kidang Kohima nung mejangjatetba nisung kari July 09, 2015 aonung injang khaloktsüba mapaji kanga sashia aitsür ta Kohima Asetkong Senso Telongjemi metetdaktsüogo.
Iba mapaji Impur assembly constituency nungi adokba MLA tenüngmenüktsütsü asoshi inyakba mapa ka lir ta KAST-isa metetdaktsü.
Iba mapa memenui ozüng amertemi bushisüngdangtsüla aser ozüng raksartremji aputsüla. Iba mapa nung, nüngdakra, onokia yariteptsü mulunga lir ta parnokisa metetdaktsü.
Asetkong Mungdang-ia sangdong ka ajanga, iba tatalokba kukua aitsüogo.
Iba ama amokmeren tatalokba ya tangateter senso ajaki aitsütsüla. Asetkong Mungdang -i aibelenertem tekaratiba nung pua ozüng nung aliba ama ochi obendang agütsütsü akhanger ya tir Aowati aser tezülur Temjenwati nati sangdong nung metetdaktsüogo.