Dr. T. Ao küm 100 ajungba anogo amongtsü

Kohima, Aenjeti (January) 26 (TYO): 1948 küm London Olympics nung Indian Football Team Captain aser Naga nunger rongnungi Olyimpics nung mezüng shilem agisang, Dr. Talimeren Ao, shiba dang Dr. T. Ao ta ajar, pa küm 100 ajungba anogomong sentong Aenjeti (January) 28 nikongdang 2:00 ako nungi tenzüka Raj Bhavan, Kohima nung amongtsü, ta ketdangsertem osang ka ajanga metetdaktsü.
Iba sentong nung tongti tesemdangerji Nagaland Angh, P.B. Acharya asütsü aser sentong nungsa Dr. T. Ao indang documentary ka sayatsü, tongti tesemdangeri pa indang noksa ka sayatsü aser Er. Lanu Toy aser Dr. T. Ao’er kinüngertem aser tangartemi o jembitsü.
Kasa nikongdang Angh, P B Acharya-i iba anogomong nüngtem nung commemorative stamp ka sayatsütsü, aser Assam state nunga sayatsü, ta kasa osang ajanga metetdaktsü.