FST & SST-i sen lakh 22 apu

Kohima, Tsüklai 14 (TYO): Tsüklai 27 Nagaland Assembly election matongdang state kübok tesem balala nung mapa lemzüka aliba Flying Squad aser Static Surveillance Team-i sen lakh 22 dak tema den yi puogo.
Tsüklai 12, 2018 anogo tashi nung osang bendenba nung sen 22,41,450, yi pongdang 34,838 aser can beer 26,571 puogo ta Chief Electoral Officer Ahijit Sinha-i metetdaktsü.
Flying Squad aser Static Surveillance Team temisa prangpong tila pungu den injangtem aser ozüng alema shibelenba mozütem apu. Mozütem rongnung SP aser Nitrosum süngjang 18,683, cough syrup pongdang 58, ganja seret 170, Heroine gram 5, brown sugar gram 36 aser opium rolls 5 liasü, ta paisa ashi.
FST & SST temisa gari ana pua lir aser tatalokba balala atema FIR 96 benokogo.