‘Game of Thrones’ season 8 tashi sayutsü akok

Los Angeles, July 31 (Agencies) : HBO nung fantasy drama series ‘Game of Thrones’ season ti tashibosa sayutsü ta metetdaktsüogo.
HBO president programming, Michael Lombardo-i Television Critics Association Press Tour nung iba osang metetdaktsü.
“Season tenet tashi dang asütsü ta onok jembia mali aser tang nisungtemi iba series ya kobika aotsü ta asüngdanger. Onoki season trokbuba teyangludak lir aser iba sülen ano series ketdangser David Benioff aser Dan Weiss na nem maneni yangludaktsünür” ta Lombardo-i ashi.
“Season trok sülen ano anabo asütsü ta ni bilemer. Ni David Benioff aser Dan Weiss na indang tebilemba melenshidaktsünür.”
‘Game of Thrones’ ya George R.R. Martin-i züluba ‘A Song of Ice & Fire’ kaket nung ajemdaker yanglur.
Iba TV series nung season 5 buba tembangdang nisungtemi kanga sapuba Jon Snow (Kit Harington-i shilem agir) ajungbena tepseter.