Gogoi-i ‘Naga peace accord’ atema PM Modi aitsür

Guwahati, August 7 (Agencies): Tan ‘Naga Peace Accord’ latetba nung northeast state tem den asüngdangya kecha mesüi miima inyakbaji loktiyimten inyakyim anema lir, ta Hokolbar nü Assam Chief Minister, Tarun Gogoi-i Ato Kilonser Narendra Modi aitsüogo.
Miima yimjung yangluba aija ashiba mapang, Gogoi-i, kodaser interlocutor RN Ravi-i iba amala tenangzüktepba ka nung sign asütsü mulungtet, kechiba süra iba tenangzüktepbaji NSCM (IM) aser Govt of India (GoI) na tsüngda ang ayutsü nüngdaker. Kechi kodaser centre-i iba amala tenangzüktepba ka miima ayur?,” ta Gogoi asüngdanga liasü.
Manipur CM, Okram Ibobi Singh-ia Union Home Minister Rajnath Singh dang phone ajanga iba yimjung telemtetba osang tejangja metetdakjang ta shiogo.
Aji süaka Singh pa dang nangzükba ama tang tashi meinyak, ta Ibobi-i ashi.