‘Hollywood Walk Of Fame’ nung Mariah Carey petinu ka angutsü

July 30, 2015: ‘Hollywood Walk Of Fame’ nung petinu 2,556 bubaji arishi küm 45 kentener Mariah Carey angutsü, ta Hollywood Chamber of Commerce-i sangdongogo, aser ibaji August 5, 2015 nü (Bodhbar) sentong ka ayongzüka aliba mapang sayatsü, ta Los Angeles Times osang ajanga metetdaktsü.

Iba sentong nung o jembitsü jaoka alirtem rongnung director ana- Lee Daniels aser Brett Ratner na den Epic Records CEO, L A Reid nunger densema lir.

‘We Belong Together’ ken atenla Carey-i US nung number one singles 18 tashi nguteta lir, aser ibaji US chart nung kentener shingaia tongteta mali. Tang la telitak, Las Vegas nung shilem agia arudagi.

Lai US chart nung number one singles 18 nguteta aliba ken rongnung ‘Vision Of Love’, ‘Love Takes Time’, ‘Someday’, ‘I Don’t Wanna Cry’, ‘Emotions’, ‘Hero’, ‘Honey’, ‘My All’, ‘We Belong Together’ aser ‘Don’t Forget About Us’ densema lir.