Honor Holly 4 Plus India nung tanü sayaogo

November 2, 2017 (Agencies): Huawei indang sub-brand Honor-i tanü India nung Holly 4 Plus smartphone tasenba sayaogo. Iba Honor phone tasenba nung ya battery tashi taitba aser selfie atema camera tajungba inoksema yanglua lir.
Holly 4 Plus nung metal finish design ka nung 2.5D 5-inch HD display keta lir aser Qualcomm Snapdragon 435 Octa-Core 64bit SoC den 3GB RAM aser 32GB internal storage keta aliba angutsü, koba 128 GB tashi atsülanga amshitettsü. Iba smartphone tasenba nung Operating systemji Android 7.0 den EMUI 5.1 densema aliba angutsü. Honor Holly 4 Plus nung battery tashiji 4000mAh lir, koba ajanga video ghonda 20, music atemtsüba ghonda 66 aser 4G web surfing ghonda 15 tashi medangi amshitettsüsa tashi agütsütsü.
Holly 4 Plus tasenba nung camera tsütsü reprangdangra, tesülen camera 1.25-micrometer sensor keta aliba angutsü, aser iba ajanga tesangwa peria malidak noksa tajungtiba tangoktettsü asoshi teyari agütsütsü. Tejaklen 8-megapixel camera nung beauty mode, Slowmotion, Timelapse aser PRO camera features tem keta aliba angutsü.
Maneni iba phone nung 5V/2A charger, 3.5 mm handsfree den inline call button, aser standard USB-A nungi micro USB cable tashi keta lir. Iba phone atema warranty ita 12 agütsütsü. Honor Holly 4 Plus ya Grey, Gold asder Silver sentsü nung November 3 nü nungi India nung Honor partner stores tem nung sen 13,999 yong alitsü asoshi angutsü.