India aser Iran linük na tsüngda tezüngzüktep teku agiogo

New Delhi, Tsüklai 17 (Agencies): Tanü Ato kilonser, Narendra Modi-i Iran Tir, Hassan Rouhani den security, shishilembaba aser energy nung amalitepa inyaktsü atema jembiba sülen linük ana tsüngda tezüngzükep teku agiogo, aser item rongnung double taxation malitsü atema densema lir.
Lenir anatisa regional nung tang aliba tensa indanga jembia liasü.
External Affairs otongdar, Raveesh Kumar-i twitter ajanga, “Lenir anapronglai shishilembaba aser investment, energy, connectivity, defence, security aser regional onüktem nung o lemtepa liasü,” ta metetdaktsü.
Senden tembangba sülen Rouhani aser Modi nati osangbenertem den jembidang Modi-i, Iran Tiri linük semdangba ajanga linük anati tongtibang onüktem nung amalitepa inyaknüba tanela sayur, ta metetdaktsü.
Modi-isa, tenati kiralongra ajanga amokmeren, temesepba mozü shibelenba aser tanga tayongzükba onük balala nung o lemtepogo, ta metetdaktsü.
Ano külen Rouhani-ia, “Onoki kiralongra anema raratsü,” ta metetdaktsü.
Paisa, yimtenren ken o jembiba ajanga dang mangatettep onüktem bentettsüla, ta ashi.
Tax dak alia linük anati extradition treaty aser visa inyakyim temelaba akumtsü atema tezüngzüktep agi.
Tanep Rashtrapati Bhavan, New Delhi nung Iran lenir agizüka liasü.
Tanep External Affairs Minister, Sushma Swaraj-ia Rouhani ajurua tongtibang onük kar nung o lemtepogo.