IPL asayartem rongnung Stokes jenjang timtiba

Bengaluru, Aenjeti 27 : Küptoknü Bengaluru nung IPL 2018 nung asayatsüpurtem auction asüba sentong nung IPL Chairman Rajeev Shukla, Kings XI Punjab kibur Preity Zinta, BCCI secretary Amitabh Chowdhary aser Sunrisers Hyderabad coach VVS Laxman nungertem osangbener den jembiba mapang tangokba noksa nung angur.

Bengaluru, Aenjeti 27 (Agencies): 2008 küm nungi tenzüka asayaba Indian Premier Leagur (IPL) cricket asaya atema linük balala nungi asayartem alitepba (auction) nung 2018 IPL atema asayar alitepba nung sen timtiba indokogo.
Iba auction sentong ya Bengaluru nung Aenjeti 27, 2018 anogo agi.
England nunger all-rounder Ben Stokes ya asayar yimya tajung mamshiba ajanga international jenjang nung masayadaktsüi lir, saka iba ajanga IPL team temi pa alitsü atema kicha khuret magi. Arishi küm 26 tain, Stokes ya Rajasthan Royals-i sen crore 12.5 agi alizükogo.
Stoke dak alaka tangar asayartem sen aika agi alizüker rongnung India nunger asayar KL Rahul aser Manish Pandey na lir aser tena shia sen crore 11 agi KXIP aser SRH nati alizük. Ravichandran Ashwin ya sen crore 7.6 agi KXIP dang ayok.
Australia nunger asaya nung teti yirur, Mitchell Starc ya KKR-i sen crore 9.4 agi alizük. Pa ya taoba küm IPL nung yiruba agi masayatet.
Marquee player 16 rongnungi sen timtiba agi alir rongnung Glenn Maxwell ya Delhi Daredevils-i sen crore 9 (USD 1.41 million) agi ali. Gautam Gambhir-a Delhi Daredevils-i sen crore 2.80 (USD 440,000) agi alizük aser KKR-i Chris Lynn sen crore 9.60 (USD 1.51 million) agi alizük.
Saka tamamangtsü ka ji, West Indies nunger Chris Gayle ya T20 asaya nung kanga junga batting süaka telok katia alir meliasü. England Test captain Joe Root ya shingaia mali, saka pa den külemi asayar all-rounder, Chris Woakes bo RCB-i sen crore 7.40 (USD 1.16 million) agi alizük.
India nunger teti asayartem rongnungi Ishant Sharma aser Murali Vijay ya mezüngbuba round shingaia mali lir.
Asayar tejen, Yuvraj Singh ya Kings XI Punjab-i sen crore 2 agi alizük.
Right To Match (RTM) card amshia CSK-i Dwayne Bravo ya sen crore 6.40 agi alizük aser Kieron Pollard ya Mumbai Indians-i RTM card amshia sen crore 5.40 (USD 850,000) agi alizük. KXIP-i kanga alitsü merangaka Shikhar Dhawan ya Sunrisers Hyderabad-i sen crore 5.2 (USD 817,000) agi alizüktet.
Faf du Plessis ya taoba küm asayaba team, CSK-i sen crore 1.60 agi alizük aser Rajasthan Royal-i RTM amshia Ajinkya Rajane ya sen crore 4 (USD 630,000) par telok nung sa ayu.
Kane Williamson ya Sunrisers Hyderabad-i sen crore 3 (USD 472,000I agi alizük.
IPL otsü nung national team nungi masayadanger jenjang timtiba agi alizükba ya Krunal Pandya kümogo. Pa ya Mumbai Indians-i sen crore 8.8 agi alizük.
Nisung aikati memetetba asayar rongnung West Indies nunger arishi küm 22 tain, Jofra Archer ya Rajasthan Royals-i sen crore 7.2 agi alizük. All-rounder Archer ya Big Bash nung Hobart Hurricanes nungi asaya liasü aser first-class cricket nung England nung Sussex nungi asayar.
Krunal indang tetenzükba jenjang ya lakh 40 liasü, saka Rajasthan Royals, Royal Challengers Bangalore aser Sunrisers Hyderabad tsüngta ‘bidding war’ tenzükba ajanga Mumbai Indians-i RTM amshia alizük.
Jharkhand indang wicket-keeper batsman, Ishan Kishan-a Mumbai Indian-i sen crore 6.2 agi alizük.
Australia nunger left-hand batsman, D’Arcy Short ya Rajasthan Royals-i sen crore 4.4 agi alizük.
Tang New Zealand nung Under 19 World Cup tasayadak alir rongnungi India U-19 captain, Prithvi Shaw ya Delhi Daredevils-i sen crore 1.2 agi alizük aser Shubman Gill ya KKR-i sen crore 1.8 agi alizük.
Kamlesh Nagarkoti ya mezüng sen lakh 20 nungi tenzük, saka KKR-i sen crore 3.2 agi alizük.