Ita 12 tsüngda technology company aika nung 5G amenoktsü

New Delhi, Sept. 22 (Agencies): Alima ajaklen 5G kanga bulua amshi tenzükba mapang ka nung technology company tulutem shilem 96-i 5G amenoktsü merangdar aser item rongnung shilem 83-ibo taruba ita 12 tsüngda 5G amenoktettsü, ta tanü osang ka ajanga metetdaktsü.
Network solutions provider Ixia ajanga ashiba agi, bilemba dang nungi company timbai 5G amenokdar.
Ixia Mobility & Virtualization Products Vice President, Kalyan Sundhar-i sangdong ka ajanga, “Industry nung mongin aikati 5G amenoktsüji mapang talangka agitsü amai bilema liasü, saka bushisüngdang ka ajangabo 5G ji iba dang nungi kanga tekaraba nung amenoktettsü,” ta metetdaktsü.
Survey agiba nung shilem agia telangzüba agütsürtem shilem 13-ibo 5G networks ngudar, ta bushitet.
5G network aginüba kulitemji – flexible & scalable network aginüba (shilem 59), customer tem demand (shilem 55) aser market nung toktepba (shilem 46) lir, aser industry temia telecom, technology aser financial services atema 5G technology aginer.