July 18 nungi ‘Kids for Fame’ Season 5 tenzüktsü

Dimapur, July 15 (TYO): Taruba Honibar nü (July 18, 2015) Dimapur, Town Hall nung Kids for Fame 5th Season tenzüktsü.
Nagaland nung tanurtemi pei dak aketba sempet sayatsü aser parnoki kenten meimba nung taliba bushitettsü asoshi agütsüba sabang ya iba kija ya lir, aser state nung pei sempet professional level nung arangshia shilem junga agiba kuli aika angur.
Nagaland nung Pheto Music Association-i tasa tasen amshia sentong balala ayongzüka akaba ajanga national sabang tashi nung shilem agia Naga nunger asoshi kongang nüngsang bener arutsüogo.
Kids for Fame Contest 5 buba nung tajungertem nem School of Music & Art, Purana Bazar, Dimapur nung küm ka professional level vocal course agitsü asoshi angadi scholarship agütsütsü ta PMA-i shiogo. Iba den külemi takoker nem senpet lakh 3 den Media 24 Studio, Dimapur nung official video contract ka agütsütsü.
Osangbenertem den jembidang PMA, MD, Kashito Kiba-i, tan season nung tetendanger tasenbaji Naga nunger nüngtugu kentener, Sunep Lemtur asütsü ta metetdaktsü.
Sunep Lemtur-isa tetokteper dang tesayuba balala agütsütsü, iba den külemi tetoktepba round shia ‘best promising talent’ ka nem pai gift hampers agütsütsü.
Iba show nung MD. Kashito Kiba aser Sunep Lemtur naprong official judges asütsü.
Sunep Lemtur ya kentener, ken zülur, ken mejemer aser sound engineer ka lir. Pai state aser national level naprong nung award aika nguogo. Pa ya lanur asoshi nüngtugu sayutsüngir ka lir aser Adonai Ministry Founder/Director lir.
Kashito Kiba ya Patkai Christian College nung azüng, MTSC College Kilpauk Chennai nungi graduate asü. Pa ya kentener ka, sound engineer, ken mejemer aser Event Managing Director lir.