Kailash Satyarthi taküm otsü film Sundance Festival nung sayatsü

New Delhi, Aenjeti 18 (Agencies): Nobel laureate Kailash Satyarthi indang taküm otsü film ‘Kailash’ US nung 2018 Sundance Film Festival nung world premiere asütsü.
Iba film ya Derek Doneen-i Directe asü, koba pa asoshi mezüngbuba film lir. Iba film ya ‘US Documentary Competition’ jenjang nung sayatsü.
Iba film ya minute 92 lir aser iba nung Satyarthi-i tanur shibelena ayokba aser anojungi tanurtem mapa balala inyakdaktsüba agintsü asoshi meranga inyakba indang sayur, ta Nobel laureate office nungi sangdong ka ajanga metetdaktsü.
Maneni iba film ya Davis Guggenheim aser Sarah Anthony nati produce asüba film ka lir aser dena den ano Purnima Raghunath dena co-produced asü. Guggenheim-i ‘Truth’ film atema Best Documentary Feature Academy Award angu aser Malala Yousafzai indang taküm otsü film ‘He Named Me Malala’ atema Oscar nung züngoksema liasü. Satyarthi aser Malala nati 2014 Nobel Peace Prize sentepa angu.
Maneni Satyarthi taküm dak ajemdaker yangluba film ‘Jhalki’ tang teyangludak lir.
Iba film ya taküm sayatsü asoshi renema lir aser iba nung Boman Irani-i tongti shilem agitsü.