Kangtsüng yimdak LKMCECC common platform sentong kaogo

Tsüklai 15, 2018 nü Kangtsüng Baptist Arogo nung Clean Election Common Platform sentong agiba sülen 21 Tuli A/C nungi candidates LKM-CECC züngsemtem tangokba noksa nung angur. 

Tuli (Mokokchung), Tsüklai 15 (TYO): Tsüklai 14, 2018 nü Longkong aser Changtongya town na nung Langpangkong Students’ Conference (LKM) aser Langpangkong Students’ Conference Clean Election Campaign Committee-i ayongzüka 24 Angetyongpang A/C aser 22 Arkakong A/C nung candidates ajak sabang ka nungi jembidaktsüba ‘Clean Election Common Platform’ sentong kaogo, aser Tsükali 15, 2018 nü Kangtsüng yimdak 21 Tuli A/C nungi candidates tema sabang ka nungi jembidaktsüogo; iba sentong nung yim balala nungi lenirtem densema liasü.
22 Arkakong Constituency nungi candidate ana dak alaka tanga constituency ajak nungi candidate tem item sentong nung shilem agia denogo, aser iba mapang nung pei pei constituency nung nüburtem dang pei tebilemba nükjidongtem metetdaktsüogo.
Common Platfrom sentong nung, parnoki takok ngura pei constituency atema parnok mangdang aser sentongtem kechisa ali, ta tebilemba lemsateptsü atema parnok nem temelaba agüja liasü, iba sülen parnoki nangzükbatem ama inyaktsü atema tenangzükba agia sign süa liasü.
21 Tuli A/C nungi candidate tenet ji – Amenba Yaden, James Imtikumba Yaden, Chubatangit Jamir, L. Temjen Jamir, Lipokmar Tzudir, Lepzungchiba Jamir aser Imtiwapang Jamir nunger lir.