‘KBC 9’ taila tenüng züluokba mapa nungi kümdanga liang: Big B

Mumbai, July 12 (Agencies): Amitabh Bachchan-i nübortem dang “Kaun Banega Crorepati” season 9buba atema taila tenüng züluokba maparen nungi jenbua alitsü osang metetdaktsüogo.
Taruba season atema ano telemtetba magi, anungji taila tenüng züluokertem nem mashiokdaktsütsü asoshi kümdanga alitsüla, ta Amitabh-i ashi.
Arishi küm 72 tain Amitabh-i pa indang blog nung iba osang metetdaktsü.
“KBC 9 nung shilem agitsü atema tenüng züluoker ta kü dangi osang arur. Iba ya tiyazü lir” ta pai ashi.
“Nisungtem ashioktsütsü atema inyaker. Kümdanga liang. Sony-i iba mapa inyaktsü atema nisung shinga nema tetuyuba magütsü” ta Amitabh-isa zülua lir.
“Kaun Banega Crorepati” season 3 dak alaka Amitabh Bachchan-i tanüngba sentong ajak len ania aruogo.